Grade 2 GMRC

GMRC-G2-Q1-01

Naipakikita ang pagpapahalaga sa sarili sa pamamagitan ng paggamit ng batayang impormasyon sa mga angkop na situwasyon

• Natutukoy ang mga batayang impormasyon tungkol sa sariling pamilya
• Napatutunayan na ang mga batayang impormasyon tungkol sa sariling pamilya ay mahalaga sa pagkakaroon ng kamalayan sa sariling pagkakakilanlan
• Naipahahayag ang mga batayang impormasyon tungkol sa sariling pamilya (hal. pagguhit ng family portrait at pagkuwento tungkol sa pamilya)

GMRC-G2-Q1-02

Nakapagsasanay sa pagpapahalaga sa sarili sa pamamagitan ng pagtupad sa mga alituntuning pangkalusugan at pangkaligtasan

• Natutukoy ang mga paraan ng pangangalaga sa kalusugan na natutuhan sa pamilya
• Naipaliliwanag na ang pangangalaga sa kalusugan gabay ang pamilya ay mahalaga sa pagpapanatili ng malusog na isip at katawan
• Naisasakilos ang wastong pangangalaga sa kalusugan na gabay ang pamilya

GMRC-G2-Q1-03

Nakapagsasanay sa pagiging totoo sa pamamagitan ng wastong pagpapahayag ng tunay na damdamin sa mga pangyayari o situwasyon

• Naiisa-isa ang iba't ibang damdamin
• Naiuugnay ang pag-unawa sa sariling damdamin sa paglinang ng pansariling disiplina na makikita sa kaniyang mga kilos at pakikipag-ugnayan
• Nailalapat ang mga wastong pagtugon sa iba’t ibang nararanasang damdamin

GMRC-G2-Q1-04

Naipakikita ang pagiging madasalin sa pamamagitan ng pagbabahagi ng sariling panalangin

• Nakapagbibigay ng mga mabuting dulot ng pansariling panalangin
• Napatutunayan na ang pansariling panalangin ay paraan ng pakikipag-ugnayan upang maipahayag ang pagkilala, pasasalamat, at pagmamahal sa Diyos
• Nakabubuo ng sariling panalangin para sa ikabubuti ng sarili at kapuwa

GMRC-G2-Q1-05

Nakapagsasanay sa pagiging masinop sa pamamagitan ng pagtitiyak na walang naaaksaya at nasasayang na gamit o mga bagay sa kapaligiran na maaaring mapakinabangan

• Nakakikilala ng mga wastong paraan ng pagtitipid na nakabubuti sa kapaligiran
• Napatutunayan na ang pagtitipid na nakabubuti sa kapaligiran ay pagganap sa tungkuling gamitin nang wasto at sulitin ang mga bagay
• Naisasakilos ang mga wastong paraan ng pagtitipid na nakabubuti sa kapaligiran

GMRC-G2-Q1-06

Naipakikita ang pagiging masunurin sa pamamagitan ng pagsunod sa iba’t ibang alituntunin sa pamayanan

• Natutukoy ang mga tungkulin ng batang Pilipino sa pamayanan
• Napatutunayan na ang mga sariling tungkulin ng batang Pilipino sa pamayanan ay makatutulong upang hubugin ang pagmamahal sa kaniyang bayan
• Nailalapat ang mga tungkulin sa pamayanan ng batang Pilipino sa iba’t ibang situwasyon

GMRC-G2-Q2-01

Nakapagsasanay ng tiwala sa sarili sa pamamagitan ng pagpapakita ng kakayahan o talento

• Natutukoy ang sariling kakayahan o talento sa tulong ng pamilya
• Napatutunayan na ang pagkilala ng sariling kakayahan o talento sa tulong ng pamilya ay naglilinang sa kaniyang taglay na kalakasan tungo sa pagkakaroon ng tiwala sa sarili
• Nakapagbabahagi ng sariling kakayahan o talento na natuklasan sa tulong ng pamilya

GMRC-G2-Q2-02

Naipakikita ang pagiging mapagpasensiya sa pamamagitan ng paggamit ng mga magagalang na pananalita at wastong pagkilos

• Nailalarawan ang maayos na pag-uusap sa loob ng pamilyang kinabibilangan
• Nakapagbibigay ng patunay na ang maayos na pag-uusap sa loob ng pamilya ay nakapagdudulot ng maayos na ugnayan at pagkakaunawaan ng lahat ng kasapi
• Naisasakilos ang mga paraan ng maayos na pakikipag-uusap sa loob ng pamilya bilang bahagi nito

GMRC-G2-Q2-03

Naipakikita ang katapatan sa pamamagitan ng pagsasabi ng katotohanan sa iba't ibang situwasyon

• Naiisa-isa ang mga kabutihang dulot ng pagiging tapat sa pamilya sa pakikipagkapuwa
• Napatutunayan na ang katapatan sa pamilya bilang gabay sa pakikipagkapuwa ay nakapagdudulot ng maayos na ugnayan
• Naisasakilos ang mga paraan ng katapatan sa pakikipag-ugnayan sa kapuwa na natutuhan sa pamilya

GMRC-G2-Q2-04

Naipakikita ang pagiging masunurin sa pamamagitan ng pakikilahok sa mga gawaing panrelihiyon o paniniwala ng pamilya

• Natutukoy ang mga gawaing panrelihiyon o paniniwala ng pamilya
• Napatutunayan na ang mga gawaing panrelihiyon o paniniwala ng pamilya ay nakapagbubuklod at nakapagpapatatag dito
• Nakapagbabahagi ng mga gawaing panrelihiyon o paniniwala ng pamilyang kinabibilangan

GMRC-G2-Q2-05

Naipakikita ang pagkamaayos sa pamamagitan ng pagsunod sa mga alituntunin at tagubilin ng pamilya sa pagpapanatili ng kalinisan

• Natutukoy ang mga paraan ng pagpapanatili ng kalinisan sa tahanan
• Napatutunayan na ang kalinisan sa tahanan tungo sa maayos na kapaligiran ay mahalaga upang malinang ang pagkamaayos sa sarili at kapaligiran
• Nailalapat ang pagpapanatili ng kalinisan sa tahanan sa iba’t ibang gawain at situwasyon

GMRC-G2-Q2-06

Naipakikita ang mabuting pakikitungo sa pamamagitan ng wastong paraan ng pagtanggap sa mga bisita

• Nailalarawan ang mga paraan ng mabuting pagtanggap ng pamilya sa mga bisita
• Napatutunayan na ang mga paraan ng mabuting pagtanggap ng pamilya sa mga bisita ay sumasalamin sa mabuting pakikitungo o hospitable at mabuting ugnayan sa pamayanan
• Naisasakilos ang mga paraan ng mabuting pagtanggap ng pamilya sa mga bisita

GMRC-G2-Q3-01

Naipakikita ang pagiging mapanagutan sa pakikitungo at pakikipag-usap sa kapuwa

• Naiisa-isa ang mga wastong paraan sa pakikipagkapuwa
• Napatutunayan na ang wastong paraan sa pakikipagkapuwa ay nakatutulong upang mapaunlad ang pakikipag-ugnayan
• Naisasakilos ang wastong paraan sa pakikipagkapuwa tungo sa kabutihan

GMRC-G2-Q3-02

Naipakikita ang pagiging mapagmahal sa pamamagitan ng pagkukusang tumulong sa kapuwa batay sa sariling kakayahan

• Natutukoy ang mga kilos o gawain na nagpapakita ng kabutihan sa kapuwa
• Napatutunayan na ang paggawa ng kabutihan sa kapuwa ay naglilinang ng mga gawi tungo sa pagiging mabuting tao
• Naisasakilos ang mga paraan ng paggawa ng kabutihan sa kapuwa (halimbawa: pagtutulungan sa mga gawain)

GMRC-G2-Q3-03

Naipakikita ang pagiging mapagpasalamat sa pamamagitan ng iba’t ibang paraan ng pagkilala sa mga kabutihang nagawa ng kapuwa

• Naiisa-isa ang mga paraan ng pagpapasalamat sa kabutihan ng kapuwa
• Napatutunayan na ang pagkilala sa kabutihan ng kapuwa ay pagbibigay-halaga sa kagandahang- loob ng kapuwa tungo sa paglinang ng mga mabuting gawi
• Naisasakilos ang mga gawain na nagpapakita ng pasasalamat sa mga kabutihang nagawa ng kapuwa

GMRC-G2-Q3-04

Naipakikita ang pagiging magalang sa pamamagitan ng wastong kilos ng pagkilala sa iba’t ibang gawain o simbolo ng relihiyon o paniniwala ng kapuwa

• Naiisa-isa ang mga paraan ng paggalang sa iba't ibang relihiyon o paniniwala ng kapuwa
• Napatutunayan na ang paggalang sa pagkakaiba-iba ng relihiyon o paniniwala ng kapuwa ay kailangan upang magkaroon ng mabuting ugnayan.
• Nailalapat ang mga paraan ng paggalang sa iba’t ibang relihiyon o paniniwala ng kapuwa

GMRC-G2-Q3-05

Naipakikita ang pagiging mapagmalasakit sa pamamagitan ng paglahok sa mga gawaing nagpapabuti sa kapaligiran katuwang ang kapuwa-bata

• Natutukoy ang mga paraan ng wastong pangangalaga sa kapaligiran katuwang ang kapuwa-bata
• Napatutunayan na ang pangangalaga sa kapaligiran katuwang ang kapuwa-bata ay nakapanghihikayat na magtulungan sa pagpapabuti ng kapaligiran
• Naisasakilos ang mga paraan ng wastong pangangalaga sa kapaligiran katuwang ang kapuwa-bata

GMRC-G2-Q3-06

Naipakikita ang pagiging matulungin sa pamamagitan ng pagbabahagi ng sariling kakayahan o anumang tulong sa mga gawain ng pagbabayanihan kasama ang kapuwa-bata

• Nailalarawan ang pagbabayanihan ng kapuwa-bata para sa pamayanan
• Napatutunayan na ang pagbabayanihan ng kapuwa-bata para sa pamayanan ay nagbibigay ng inspirasyon na makiisa sa mga gawain sa pamayanan
• Nakalalahok sa mga gawain ng pagbabayanihan ng kapuwa-bata para sa pamayanan

GMRC-G2-Q4-01

Naipakikita ang pagiging mapagmalasakit sa pamamagitan ng pagsunod sa mga alituntunin sa loob at labas ng pampublikong pasilidad

• Natutukoy ang mga kilos na nagpapakita ng disiplinang pansarili sa paggamit ng pampublikong pasilidad
• Napatutunayan na ang disiplinang pansarili sa paggamit ng pampublikong pasilidad ay nakatutulong sa pagpapanatili ng kaayusan at kalinisan alinsunod sa mga panuntunan ng pamayanan
• Naisasakilos ang mga wastong paggamit ng pampublikong pasilidad bilang pagpapanatili ng kaayusan at kalinisan alinsunod sa mga panuntunan ng pamayanan

GMRC-G2-Q4-02

Naipakikita ang pagiging mapanagutan sa pamamagitan ng pagtupad sa mga inaasahang kilos na nagpapakita ng pakikiisa ng pamilya sa pamayanan

• Nakakikilala ng mga gawain na nagpapakita ng pakikiisa ng pamilya sa pamayanan
• Napatutunayan na ang pakikiisa ng pamilya sa pamayanan ay bahagi ng tungkulin nitong panatilihin ang kaayusan ng bayan
• Nakapagbabahagi ng mga pansariling gawain na nagpapakita ng pakikiisa ng pamilyang kinabibilangan sa pamayanan

GMRC-G2-Q4-03

Naipakikita ang pagiging palakaibigan sa pamamagitan ng pakikiisa mga pagdiriwang sa pamayanan

• Naiisa-isa ang mga pagdiriwang sa pamayanan na nagpapabuti ng pakikipagkapuwa
• Napatutunayan na ang pakikiisa sa mga pagdiriwang sa pamayanan ay nagpapabuti ng pakikipagkapuwa
• Nakapagbabahagi ng karanasan ng pakikiisa sa mga pagdiriwang sa pamayanan upang mapabuti ang ugnayan ng mamamayan

GMRC-G2-Q4-04

Nakapagsasanay sa pakikiisa sa pamamagitan ng pagtupad ng kaniyang mga tungkulin sa gawain ng kinabibilangang relihiyon o paniniwala

• Naiisa-isa ang mga gawain ng iba’t ibang relihiyon o paniniwala na nakatutulong sa pamayanan
• Napatutunayan na ang mga gawain ng iba’t ibang relihiyon o paniniwala na nakatutulong sa pamayanan ay nakalilinang ng pagkakaisa at pagkakaunawaan ng mga mamamayan
• Nakapagbabahagi ng mga karanasan sa mga gawaing tumutulong sa pamayanan ng kinabibilangang relihiyon o paniniwala

GMRC-G2-Q4-05

Nakapagsasanay sa pagiging mapagmalasakit sa pamamagitan ng pangangalaga sa kapaligiran ayon sa sariling kakayahan

• Natutukoy ang mga gawain ng pamayanan sa pangangalaga sa kapaligiran
• Napatutunayan na ang pangangalaga ng kapaligiran ng kinabibilangang pamayanan ay nagdudulot ng ligtas at maayos na pamumuhay
• Nakalalahok sa mga gawain ng pangangalaga ng pamayanan sa kapaligiran gamit ang sariling kakayahan

GMRC-G2-Q4-06

Naipakikita ang pagmamahal sa bayan sa pamamagitan ng mga kilos na nagbibigay-halaga sa mga sakripisyo ng mga bayani sa sariling bayan

• Nakakikilala ng mga kabayanihan sa sariling bayan
• Napatutunayan na ang mga kabayanihan sa sariling bayan ay kapupulutan ng aral at mabuting halimbawa ng pagmamahal sa bayan
• Naisasakilos ang pagkilala sa mga kabayanihan sa sariling bayan